Mendelevium

Mendelevium is ’n radioaktiewe, sintetiese element wat na die chemikus Dmitri Mendeleev vernoem is. Dit is in 1955 vir die eerste keer vervaardig deur einsteinium met alfadeeltjies in ’n deeltjieversneller te bombardeer. Omdat sy isotope vinnig verval, kan mendelevium net in piepklein hoeveelhede vervaardig word en het dit geen toepassings buiten basiese wetenskaplike navorsing nie.